שאל לך אות מעם יהוה אלהיך העמק שאלה או הגבה למעלה׃

ויען ויאמר אליהם דור רע ומנאף מבקש לו אות ואות לא ינתן לו בלתי אם אות יונה הנביא׃

ויענו היהודים ויאמרו אליו אי זו אות תראנו כי כזאת אתה עשה׃

ויאמרו אליו מה אפוא האות אשר תעשה למעננראה ונאמין בך מה תפעל׃

ואם עשיתי ולא תאמינו לי האמינו נא למעשי למען תדעו ותאמינו כי בי האב ואני בו׃

ויבא משה ואהרן אל פרעה ויעשו כן כאשר צוה יהוה וישלך אהרן את מטהו לפני פרעה ולפני עבדיו ויהי לתנין׃

וישליכו איש מטהו ויהיו לתנינם ויבלע מטה אהרן את מטתם׃

ויאמר אליו יהוה מזה בידך ויאמר מטה׃

ואת המטה הזה תקח בידך אשר תעשה בו את האתת׃

ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו׃

ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃

ויט משה את מטהו על ארץ מצרים ויהוה נהג רוח קדים בארץ כל היום ההוא וכל הלילה הבקר היה ורוח הקדים נשא את הארבה׃

ואלהים מלכי מקדם פעל ישועות בקרב הארץ׃

אתה פוררת בעזך ים שברת ראשי תנינים על המים׃

דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני׃