והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

והיה כבא משה האהלה ירד עמוד הענן ועמד פתח האהל ודבר עם משה׃

וירדתי ודברתי עמך שם ואצלתי מן הרוח אשר עליך ושמתי עליהם ונשאו אתך במשא העם ולא תשא אתה לבדך׃

וירד יהוה בענן וידבר אליו ויאצל מן הרוח אשר עליו ויתן על שבעים איש הזקנים ויהי כנוח עליהם הרוח ויתנבאו ולא יספו׃

ויהי בצאת הכהנים מן הקדש והענן מלא את בית יהוה׃

אז אמר שלמה יהוה אמר לשכן בערפל׃

הוא מדבר כזאת והנה ענן סכך עליהם וכבואם בענן נבעתו׃

ויצא קול מן הענן אמר זה בני ידידי אליו תשמעון׃

ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃

ועתה יגדל נא כח אדני כאשר דברת לאמר׃

כי שם יהוה אקרא הבו גדל לאלהינו׃

לספר בציון שם יהוה ותהלתו בירושלם׃

מגדל עז שם יהוה בו ירוץ צדיק ונשגב׃

שמעו דבר יהוה קציני סדם האזינו תורת אלהינו עם עמרה׃