ברוך תהיה מכל העמים לא יהיה בך עקר ועקרה ובבהמתך׃

ברוך פרי בטנך ופרי אדמתך ופרי בהמתך שגר אלפיך ועשתרות צאנך׃

שורו עבר ולא יגעל תפלט פרתו ולא תשכל׃

ויברכם וירבו מאד ובהמתם לא ימעיט׃

מזוינו מלאים מפיקים מזן אל זן צאוננו מאליפות מרבבות בחוצותינו׃

הביאו את כל המעשר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השמים והריקתי לכם ברכה עד בלי די׃

וגערתי לכם באכל ולא ישחת לכם את פרי האדמה ולא תשכל לכם הגפן בשדה אמר יהוה צבאות׃

ויגוע וימת אברהם בשיבה טובה זקן ושבע ויאסף אל עמיו׃

ויגוע יצחק וימת ויאסף אל עמיו זקן ושבע ימים ויקברו אתו עשו ויעקב בניו׃

ודויד זקן ושבע ימים וימלך את שלמה בנו על ישראל׃

תבוא בכלח אלי קבר כעלות גדיש בעתו׃

וימת איוב זקן ושבע ימים׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃

לא יהיה משם עוד עול ימים וזקן אשר לא ימלא את ימיו כי הנער בן מאה שנה ימות והחוטא בן מאה שנה יקלל׃