ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃

ויושע יהוה ביום ההוא את ישראל והמלחמה עברה את בית און׃

ויושע יהוה את יחזקיהו ואת ישבי ירושלם מיד סנחריב מלך אשור ומיד כל וינהלם מסביב׃

ויושיעם למען שמו להודיע את גבורתו׃

ויושיעם מיד שונא ויגאלם מיד אויב׃

בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃

ויש את נפשי להזכיר אתכם את אשר כבר ידעתם כי הושיע יהוה את העם ממצרים וישמד אחרי כן את אשר לא האמינו׃

ישמח צדיק כי חזה נקם פעמיו ירחץ בדם הרשע׃

אלהי חסדו יקדמני אלהים יראני בשררי׃

רק בעיניך תביט ושלמת רשעים תראה׃

כי הנה איביך יהוה כי הנה איביך יאבדו יתפרדו כל פעלי און׃

ותבט עיני בשורי בקמים עלי מרעים תשמענה אזני׃