ויבאו בני ישראל בתוך הים ביבשה והמים להם חמה מימינם ומשמאלם׃

ויסך בדלתים ים בגיחו מרחם יצא׃

ואשבר עליו חקי ואשים בריח ודלתים׃

הפך ים ליבשה בנהר יעברו ברגל שם נשמחה בו׃

משל בגבורתו עולם עיניו בגוים תצפינה הסוררים אל ירימו למו סלה׃

בים דרכך ושביליך במים רבים ועקבותיך לא נדעו׃

נחית כצאן עמך ביד משה ואהרן׃

ויסע כצאן עמו וינהגם כעדר במדבר׃

וינחם לבטח ולא פחדו ואת אויביהם כסה הים׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

הלוא את היא המחרבת ים מי תהום רבה השמה מעמקי ים דרך לעבר גאולים׃

ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק׃

מוליך לימין משה זרוע תפארתו בוקע מים מפניהם לעשות לו שם עולם׃

מוליכם בתהמות כסוס במדבר לא יכשלו׃

ויעמדו המים הירדים מלמעלה קמו נד אחד הרחק מאד באדם העיר אשר מצד צרתן והירדים על ים הערבה ים המלח תמו נכרתו והעם עברו נגד יריחו׃