נשפת ברוחך כסמו ים צללו כעופרת במים אדירים׃

ואשר עשה לחיל מצרים לסוסיו ולרכבו אשר הציף את מי ים סוף על פניהם ברדפם אחריכם ויאבדם יהוה עד היום הזה׃

והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃

וינחם לבטח ולא פחדו ואת אויביהם כסה הים׃

הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישועה׃

ראוך יחילו הרים זרם מים עבר נתן תהום קולו רום ידיהו נשא׃

באמונה עברו את ים סוף ביבשה אשר נסו מצרים גם המה לעבר בו ויטבעו׃

ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃

ויהודה בא על המצפה למדבר ויפנו אל ההמון והנם פגרים נפלים ארצה ואין פליטה׃

ויגער בים סוף ויחרב ויוליכם בתהמות כמדבר׃

ויכסו מים צריהם אחד מהם לא נותר׃

ונער פרעה וחילו בים סוף כי לעולם חסדו׃