ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃

ראה כל גאה הכניעהו והדך רשעים תחתם׃

וירעם בשמים יהוה ועליון יתן קלו ברד וגחלי אש׃

וישלח חציו ויפיצם וברקים רב ויהמם׃

ראוך מים אלהים ראוך מים יחילו אף ירגזו תהמות׃

קול רעמך בגלגל האירו ברקים תבל רגזה ותרעש הארץ׃

המביט לארץ ותרעד יגע בהרים ויעשנו׃

ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם׃

ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילה׃

ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

ואמרת מה ידע אל הבעד ערפל ישפוט׃

על כן מפניו אבהל אתבונן ואפחד ממנו׃

ואל הרך לבי ושדי הבהילני׃

רגע ימתו וחצות לילה יגעשו עם ויעברו ויסירו אביר לא ביד׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

המה ראו כן תמהו נבהלו נחפזו׃