לא תזבח על חמץ דם זבחי ולא ילין חלב חגי עד בקר׃

ואם יותר מבשר המלאים ומן הלחם עד הבקר ושרפת את הנותר באש לא יאכל כי קדש הוא׃

לא תשחט על חמץ דם זבחי ולא ילין לבקר זבח חג הפסח׃

ובשר זבח תודת שלמיו ביום קרבנו יאכל לא יניח ממנו עד בקר׃

והנותר מבשר הזבח ביום השלישי באש ישרף׃

ביום ההוא יאכל לא תותירו ממנו עד בקר אני יהוה׃

ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון לבקר׃

לא תוכל לזבח את הפסח באחד שעריך אשר יהוה אלהיך נתן לך׃