ושאלה אשה משכנתה ומגרת ביתה כלי כסף וכלי זהב ושמלת ושמתם על בניכם ועל בנתיכם ונצלתם את מצרים׃

ויאמר יהוה אל משה ואל אהרן בארץ מצרים לאמר׃

החדש הזה לכם ראש חדשים ראשון הוא לכם לחדשי השנה׃

ובני ישראל עשו כדבר משה וישאלו ממצרים כלי כסף וכלי זהב ושמלת׃

ויהוה נתן את חן העם בעיני מצרים וישאלום וינצלו את מצרים׃

ויצל אלהים את מקנה אביכם ויתן לי׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

לדוד מזמור ליהוה הארץ ומלואה תבל וישבי בה׃

ויוציאם בכסף וזהב ואין בשבטיו כושל׃

טוב ינחיל בני בנים וצפון לצדיק חיל חוטא׃

לי הכסף ולי הזהב נאם יהוה צבאות׃

הלא אוכל לעשות בשלי כרצוני האם תרע עינך על אשר טוב אנכי׃

ויאמר אלהם אהרן פרקו נזמי הזהב אשר באזני נשיכם בניכם ובנתיכם והביאו אלי׃

ויקח מידם ויצר אתו בחרט ויעשהו עגל מסכה ויאמרו אלה אלהיך ישראל אשר העלוך מארץ מצרים׃

ויבאו האנשים על הנשים כל נדיב לב הביאו חח ונזם וטבעת וכומז כל כלי זהב וכל איש אשר הניף תנופת זהב ליהוה׃

ואלבישך רקמה ואנעלך תחש ואחבשך בשש ואכסך משי׃

ואתן נזם על אפך ועגילים על אזניך ועטרת תפארת בראשך׃