הבו ליהוה כבוד שמו השתחוו ליהוה בהדרת קדש׃

עמך נדבת ביום חילך בהדרי קדש מרחם משחר לך טל ילדתיך׃

ברוך יהוה אלהי אבותינו אשר נתן כזאת בלב המלך לפאר את בית יהוה אשר בירושלם׃

וצבי עדיו לגאון שמהו וצלמי תועבתם שקוציהם עשו בו על כן נתתיו להם לנדה׃

ויטע אהלי אפדנו בין ימים להר צבי קדש ובא עד קצו ואין עוזר לו׃

ויהי באמרם על המקדש כי מהדר הוא באבנים יפות ובמתנות ויאמר׃

את אשר אתם ראים הנה ימים באים ולא תשאר אבן על אבן אשר לא תתפרק׃

ייראו מיהוה כל הארץ ממנו יגורו כל ישבי תבל׃

אתה נורא אתה ומי יעמד לפניך מאז אפך׃

נדרו ושלמו ליהוה אלהיכם כל סביביו יובילו שי למורא׃