יהי שמו לעולם לפני שמש ינין שמו ויתברכו בו כל גוים יאשרוהו׃

ברוך יהוה אלהים אלהי ישראל עשה נפלאות לבדו׃

לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

ברכו יהוה מלאכיו גברי כח עשי דברו לשמע בקול דברו׃

ברכו יהוה כל מעשיו בכל מקמות ממשלתו ברכי נפשי את יהוה׃

ברכי נפשי את יהוה יהוה אלהי גדלת מאד הוד והדר לבשת׃

תהלה לדוד ארוממך אלוהי המלך ואברכה שמך לעולם ועד׃

יודוך יהוה כל מעשיך וחסידיך יברכוכה׃

ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך׃

ברוך הוא האלהים ואבי אדנינו ישוע המשיח אשר ברכנו בכל ברכת רוח במרומים במשיח׃

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

פי יספר צדקתך כל היום תשועתך כי לא ידעתי ספרות׃

על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

מה נאוו על ההרים רגלי מבשר משמיע שלום מבשר טוב משמיע ישועה אמר לציון מלך אלהיך׃

קול צפיך נשאו קול יחדו ירננו כי עין בעין יראו בשוב יהוה ציון׃

ויאמר אליהם לכו אל כל העולם וקראו את הבשורה לכל הבריאה׃

אנשים אחים בני משפחת אברהם ויראי אלהים אשר בקרבכם לכם שלוח דבר הישועה הזאת׃

ועתה איך יקראו אל אשר לא האמינו בו ואיך יאמינו באשר לא שמעו את שמעו ואיך ישמעו באין מגיד׃

אך לא כלם שמעו לקול הבשורה כי ישעיהו אמר יהוה מי האמין לשמעתנו׃

ואמר הכי לא שמעו אמנם בכל הארץ יצא קום ובקצה תבל מליהם׃