אין כמוך באלהים אדני ואין כמעשיך׃

כי גדול אתה ועשה נפלאות אתה אלהים לבדך׃

כי גדול יהוה ומהלל מאד נורא הוא על כל אלהים׃

כי אתה יהוה עליון על כל הארץ מאד נעלית על כל אלהים׃

גדול יהוה ומהלל מאד ולגדלתו אין חקר׃

מאין כמוך יהוה גדול אתה וגדול שמך בגבורה׃

מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

כי יהוה עליון נורא מלך גדול על כל הארץ׃

יפה נוף משוש כל הארץ הר ציון ירכתי צפון קרית מלך רב׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

חי אני נאם המלך יהוה צבאות שמו כי כתבור בהרים וככרמל בים יבוא׃

שדד מואב ועריה עלה ומבחר בחוריו ירדו לטבח נאם המלך יהוה צבאות שמו׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

כי ממזרח שמש ועד מבואו גדול שמי בגוים ובכל מקום מקטר מגש לשמי ומנחה טהורה כי גדול שמי בגוים אמר יהוה צבאות׃

וארור נוכל ויש בעדרו זכר ונדר וזבח משחת לאדני כי מלך גדול אני אמר יהוה צבאות ושמי נורא בגוים׃

ולא בארץ כי הדום רגליו היא ולא בירושלים כי היא קרית מלך רב׃

כי אני ידעתי כי גדול יהוה ואדנינו מכל אלהים׃

עתה ידעתי כי גדול יהוה מכל האלהים כי בדבר אשר זדו עליהם׃

אל תפחדו ואל תרהו הלא מאז השמעתיך והגדתי ואתם עדי היש אלוה מבלעדי ואין צור בל ידעתי׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

עשה ארץ בכחו מכין תבל בחכמתו ובתבונתו נטה שמים׃

נבער כל אדם מדעת הביש כל צורף מפסל כי שקר נסכו ולא רוח בם׃

לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃