פי יספר צדקתך כל היום תשועתך כי לא ידעתי ספרות׃

משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

כי אמרתי עולם חסד יבנה שמים תכן אמונתך בהם׃

בכל יום אברכך ואהללה שמך לעולם ועד׃

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

חסדי יהוה כי לא תמנו כי לא כלו רחמיו׃

חדשים לבקרים רבה אמונתך׃

כי התורה נתנה ביד משה והחסד והאמת באו על ידי ישוע המשיח׃

יומם יצוה יהוה חסדו ובלילה שירה עמי תפלה לאל חיי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

ולא אמר איה אלוה עשי נתן זמרות בלילה׃

ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃