שובה יהוה חלצה נפשי הושיעני למען חסדך׃

אלהים צבאות שוב נא הבט משמים וראה ופקד גפן זאת׃

והיה אחרי נתשי אותם אשוב ורחמתים והשבתים איש לנחלתו ואיש לארצו׃

וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה׃

מי יודע ישוב ונחם והשאיר אחריו ברכה מנחה ונסך ליהוה אלהיכם׃

לכן כה אמר יהוה שבתי לירושלם ברחמים ביתי יבנה בה נאם יהוה צבאות וקוה ינטה על ירושלם׃

עד מה יהוה תסתר לנצח תבער כמו אש חמתך׃

ויזכר להם בריתו וינחם כרב חסדו׃

כי ידין יהוה עמו ועל עבדיו יתנחם׃

וינחם יהוה על הרעה אשר דבר לעשות לעמו׃

כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב׃

איך אתנך אפרים אמגנך ישראל איך אתנך כאדמה אשימך כצבאים נהפך עלי לבי יחד נכמרו נחומי׃

נחם יהוה על זאת לא תהיה אמר יהוה׃

נחם יהוה על זאת גם היא לא תהיה אמר אדני יהוה׃

מי יודע ישוב ונחם האלהים ושב מחרון אפו ולא נאבד׃