רננו צדיקים ביהוה לישרים נאוה תהלה׃

שירו לו שיר חדש היטיבו נגן בתרועה׃

זמרו אלהים זמרו זמרו למלכנו זמרו׃

כי מלך כל הארץ אלהים זמרו משכיל׃

שירו ליהוה שיר חדש שירו ליהוה כל הארץ׃

שירו ליהוה ברכו שמו בשרו מיום ליום ישועתו׃

הללו יה הללו את יהוה מן השמים הללוהו במרומים׃

הללוהו שמש וירח הללוהו כל כוכבי אור׃

יהללו את שם יהוה כי הוא צוה ונבראו׃

ויבחר את שבט יהודה את הר ציון אשר אהב׃

כי בחר יהוה בציון אוה למושב לו׃

זאת מנוחתי עדי עד פה אשב כי אותיה׃

צהלי ורני יושבת ציון כי גדול בקרבך קדוש ישראל׃

ומה יענה מלאכי גוי כי יהוה יסד ציון ובה יחסו עניי עמו׃

כי אם באתם אל הר ציון ואל עיר אלהים חיים אל ירושלים שבשמים׃

וארא והנה שה עמד על הר ציון ועמו מאת אלף וארבעים וארבעה אלפים הנשאים שם אביו כתוב על מצחותם׃

זמרו כבוד שמו שימו כבוד תהלתו׃

לכו וראו מפעלות אלהים נורא עלילה על בני אדם׃

אמרו בגוים יהוה מלך אף תכון תבל בל תמוט ידין עמים במישרים׃

הודו ליהוה קראו בשמו הודיעו בעמים עלילותיו׃

שירו לו זמרו לו שיחו בכל נפלאותיו׃

ויזבחו זבחי תודה ויספרו מעשיו ברנה׃

לא אמות כי אחיה ואספר מעשי יה׃

ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

צהלי ורני יושבת ציון כי גדול בקרבך קדוש ישראל׃

ואני הודעתים את שמך ואוסיף להודיעם למען תהיה בם האהבה אשר אהבתני ואני אהיה בהם׃