תשימנו חרפה לשכנינו לעג וקלס לסביבותינו׃

כל היום כלמתי נגדי ובשת פני כסתני׃

כי קנאת ביתך אכלתני וחרפות חורפיך נפלו עלי׃

אתה ידעת חרפתי ובשתי וכלמתי נגדך כל צוררי׃

חרפה שברה לבי ואנושה ואקוה לנוד ואין ולמנחמים ולא מצאתי׃

זכר זאת אויב חרף יהוה ועם נבל נאצו שמך׃

קומה אלהים ריבה ריבך זכר חרפתך מני נבל כל היום׃

למה יאמרו הגוים איה אלהיהם יודע בגיים לעינינו נקמת דם עבדיך השפוך׃

והשב לשכנינו שבעתים אל חיקם חרפתם אשר חרפוך אדני׃

כי גם המשיח לא בקש הנאת עצמו אלא ככתוב חרפות חורפיך נפלו עלי׃