כי אמרתי עולם חסד יבנה שמים תכן אמונתך בהם׃

עד עולם אכין זרעך ובניתי לדר ודור כסאך סלה׃

ישב עולם לפני אלהים חסד ואמת מן ינצרהו׃

כי התורה נתנה ביד משה והחסד והאמת באו על ידי ישוע המשיח׃

כי כל הבטחות האלהים כלן בו היו הן ובו היו אמן לכבוד האלהים על ידינו׃

בשמך יגילון כל היום ובצדקתך ירומו׃

כי תפארת עזמו אתה וברצנך תרים קרננו׃

למנצח מזמור לדוד יענך יהוה ביום צרה ישגבך שם אלהי יעקב׃

נרננה בישועתך ובשם אלהינו נדגל ימלא יהוה כל משאלותיך׃

כי בי חשק ואפלטהו אשגבהו כי ידע שמי׃

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך׃

את שמך הודעתי לבני האדם אשר נתתם לי מתוך העולם לך היו ולי נתת אתם ואת דברך נצרו׃

ואני אינני עוד בעולם והם בעולם המה ואני בא אליך אבי הקדוש נצר בשמך את אשר נתתם לי למען יהיו אחד כמנו׃

ואני הודעתים את שמך ואוסיף להודיעם למען תהיה בם האהבה אשר אהבתני ואני אהיה בהם׃