Psaumes 47:9
נדיבי עמים נאספו עם אלהי אברהם כי לאלהים מגני ארץ מאד נעלה׃
Psaumes 62:1
למנצח על ידותון מזמור לדוד אך אל אלהים דומיה נפשי ממנו ישועתי׃
Psaumes 62:2
אך הוא צורי וישועתי משגבי לא אמוט רבה׃
Psaumes 62:6
אך הוא צורי וישועתי משגבי לא אמוט׃
Psaumes 84:11
כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃
Psaumes 91:1
ישב בסתר עליון בצל שדי יתלונן׃
Psaumes 91:2
אמר ליהוה מחסי ומצודתי אלהי אבטח בו׃
Génèse 15:1
אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד׃
Deutéronome 33:27-29
27
מענה אלהי קדם ומתחת זרעת עולם ויגרש מפניך אויב ויאמר השמד׃
28
וישכן ישראל בטח בדד עין יעקב אל ארץ דגן ותירוש אף שמיו יערפו טל׃
29
אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך׃
Psaumes 71:22
גם אני אודך בכלי נבל אמתך אלהי אזמרה לך בכנור קדוש ישראל׃
Esaïe 1:4
הוי גוי חטא עם כבד עון זרע מרעים בנים משחיתים עזבו את יהוה נאצו את קדוש ישראל נזרו אחור׃
Esaïe 12:6
צהלי ורני יושבת ציון כי גדול בקרבך קדוש ישראל׃
Esaïe 29:19
ויספו ענוים ביהוה שמחה ואביוני אדם בקדוש ישראל יגילו׃
Esaïe 30:11
סורו מני דרך הטו מני ארח השביתו מפנינו את קדוש ישראל׃
Esaïe 43:3
כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך׃
Esaïe 43:14
כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃
Psaumes 44:4
אתה הוא מלכי אלהים צוה ישועות יעקב׃
Esaïe 33:22
כי יהוה שפטנו יהוה מחקקנו יהוה מלכנו הוא יושיענו׃