Job 26:7
נטה צפון על תהו תלה ארץ על בלי מה׃
Josué 19:22
ופגע הגבול בתבור ושחצומה ובית שמש והיו תצאות גבולם הירדן ערים שש עשרה וחצריהן׃
Juges 4:6
ותשלח ותקרא לברק בן אבינעם מקדש נפתלי ותאמר אליו הלא צוה יהוה אלהי ישראל לך ומשכת בהר תבור ולקחת עמך עשרת אלפים איש מבני נפתלי ומבני זבלון׃
Juges 4:12
ויגדו לסיסרא כי עלה ברק בן אבינעם הר תבור׃
Psaumes 133:3
כטל חרמון שירד על הררי ציון כי שם צוה יהוה את הברכה חיים עד העולם׃
Deutéronome 3:8
ונקח בעת ההוא את הארץ מיד שני מלכי האמרי אשר בעבר הירדן מנחל ארנן עד הר חרמון׃
Deutéronome 3:9
צידנים יקראו לחרמון שרין והאמרי יקראו לו שניר׃
Josué 12:1
ואלה מלכי הארץ אשר הכו בני ישראל וירשו את ארצם בעבר הירדן מזרחה השמש מנחל ארנון עד הר חרמון וכל הערבה מזרחה׃
Psaumes 65:12
ירעפו נאות מדבר וגיל גבעות תחגרנה׃
Psaumes 65:13
לבשו כרים הצאן ועמקים יעטפו בר יתרועעו אף ישירו׃
Esaïe 35:1
יששום מדבר וציה ותגל ערבה ותפרח כחבצלת׃
Esaïe 35:2
פרח תפרח ותגל אף גילת ורנן כבוד הלבנון נתן לה הדר הכרמל והשרון המה יראו כבוד יהוה הדר אלהינו׃
Esaïe 49:13
רנו שמים וגילי ארץ יפצחו הרים רנה כי נחם יהוה עמו ועניו ירחם׃
Esaïe 55:12
כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃
Esaïe 55:13
תחת הנעצוץ יעלה ברוש תחת הסרפד יעלה הדס והיה ליהוה לשם לאות עולם לא יכרת׃