למה יהוה תזנח נפשי תסתיר פניך ממני׃

עני אני וגוע מנער נשאתי אמיך אפונה׃

אל תרחק ממני כי צרה קרובה כי אין עוזר׃

פצו עלי פיהם אריה טרף ושאג׃

יבש כחרש כחי ולשוני מדבק מלקוחי ולעפר מות תשפתני׃

אספר כל עצמותי המה יביטו יראו בי׃

ואתה יהוה אל תרחק אילותי לעזרתי חושה׃

הושיעני מפי אריה ומקרני רמים עניתני׃

ואל תסתר פניך מעבדך כי צר לי מהר ענני׃

אתה ידעת חרפתי ובשתי וכלמתי נגדך כל צוררי׃

ויתנו בברותי ראש ולצמאי ישקוני חמץ׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

כי רדף אויב נפשי דכא לארץ חיתי הושיבני במחשכים כמתי עולם׃

ותתעטף עלי רוחי בתוכי ישתומם לבי׃

לו שקול ישקל כעשי והיתי במאזנים ישאו יחד׃

כי חצי שדי עמדי אשר חמתם שתה רוחי בעותי אלוה יערכוני׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃

השביעני במרורים הרוני לענה׃

ותזנח משלום נפשי נשיתי טובה׃

זכר עניי ומרודי לענה וראש׃

ויקח אתו את פטרוס ואת שני בני זבדי ויחל להעצב ולמוג׃

וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

כל אכל תתעב נפשם ויגיעו עד שערי מות׃

ותקרב לשחת נפשו וחיתו לממתים׃