כי גדל עד שמים חסדך ועד שחקים אמתך׃

רחום וחנון יהוה ארך אפים ורב חסד׃

לא כחטאינו עשה לנו ולא כעונתינו גמל עלינו׃

כרחק מזרח ממערב הרחיק ממנו את פשעינו׃

כי גדול מעל שמים חסדך ועד שחקים אמתך׃

וישמעו שכניה וקרוביה כי הגדיל יהוה את חסדו עמה וישמחו אתה׃

כי לא תעזב נפשי לשאול לא תתן חסידך לראות שחת׃

כי הצלת נפשי ממות הלא רגלי מדחי להתהלך לפני אלהים באור החיים׃

שתני בבור תחתיות במחשכים במצלות׃

כי חלצת נפשי ממות את עיני מן דמעה את רגלי מדחי׃

יחשך נפשו מני שחת וחיתו מעבר בשלח׃

ותקרב לשחת נפשו וחיתו לממתים׃

ויחננו ויאמר פדעהו מרדת שחת מצאתי כפר׃

פדה נפשי מעבר בשחת וחיתי באור תראה׃

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

ותשליכני מצולה בלבב ימים ונהר יסבבני כל משבריך וגליך עלי עברו׃

אפפוני מים עד נפש תהום יסבבני סוף חבוש לראשי׃

ולחכות לבנו מן השמים אשר העירו מן המתים לישוע מצילנו מן החרון הבא׃