אלהים השיבנו והאר פניך ונושעה׃

אלהים צבאות השיבנו והאר פניך ונושעה׃

יהוה אלהים צבאות השיבנו האר פניך ונושעה׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

השיבנו יהוה אליך ונשוב חדש ימינו כקדם׃

והשיב לב אבות על בנים ולב בנים על אבותם פן אבוא והכיתי את הארץ חרם׃

אלהי בך בטחתי אל אבושה אל יעלצו איבי לי׃

לדוד יהוה אורי וישעי ממי אירא יהוה מעוז חיי ממי אפחד׃

ואני ביהוה אצפה אוחילה לאלהי ישעי ישמעני אלהי׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

תתן אמת ליעקב חסד לאברהם אשר נשבעת לאבתינו מימי קדם׃

אתם משתחוים אל אשר לא ידעתם ואנחנו משתחוים אל אשר ידענו כי הישועה מן היהודים היא׃

והוא רחום יכפר עון ולא ישחית והרבה להשיב אפו ולא יעיר כל חמתו׃

כי עוד מעט מזער וכלה זעם ואפי על תבליתם׃

אדני ככל צדקתך ישב נא אפך וחמתך מעירך ירושלם הר קדשך כי בחטאינו ובעונות אבתינו ירושלם ועמך לחרפה לכל סביבתינו׃