צדק ומשפט מכון כסאך חסד ואמת יקדמו פניך׃

כי טוב יהוה לעולם חסדו ועד דר ודר אמונתו׃

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

תתן אמת ליעקב חסד לאברהם אשר נשבעת לאבתינו מימי קדם׃

תמך בישראל עבדו לזכר את רחמיו׃

כאשר דבר אל אבותינו לאברהם ולזרעו עד עולם׃

כי התורה נתנה ביד משה והחסד והאמת באו על ידי ישוע המשיח׃

ישאו הרים שלום לעם וגבעות בצדקה׃

ושכן במדבר משפט וצדקה בכרמל תשב׃

וישב עמי בנוה שלום ובמשכנות מבטחים ובמנוחת שאננות׃

אך ביהוה לי אמר צדקות ועז עדיו יבוא ויבשו כל הנחרים בו׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

בימיו תושע יהודה וישראל ישכן לבטח וזה שמו אשר יקראו יהוה צדקנו׃

כבוד במרומים לאלהים ובארץ שלום בבני אדם רצונו׃

אשר שמו האלהים לפנינו לכפרת על ידי האמונה בדמו להראות את צדקתו אחרי אשר העביר את החטאים שנעשו לפנים בעת חמלת אלהים׃

להראות את צדקתו בעת הזאת להיותו צדיק ומצדיק את בן אמונת ישוע׃

לכן אחרי נצדקנו באמונה שלום לנו עם האלהים באדנינו ישוע המשיח׃

למען כאשר מלך החטא במות ככה ימלך גם החסד על ידי הצדקה לחיי עולם בישוע המשיח אדנינו׃

ואשר חלק לו אברהם מעשר מכל שמו יפרש מלך הצדק ועוד מלך שלם הוא מלך השלום׃