דגל מחנה אפרים לצבאתם ימה ונשיא לבני אפרים אלישמע בן עמיהוד׃

ועליו מטה מנשה ונשיא לבני מנשה גמליאל בן פדהצור׃

ומטה בנימן ונשיא לבני בנימן אבידן בן גדעני׃

כל הפקדים למחנה אפרים מאת אלף ושמנת אלפים ומאה לצבאתם ושלשים יסעו׃

ונסע דגל מחנה בני אפרים לצבאתם ועל צבאו אלישמע בן עמיהוד׃

ועל צבא מטה בני בנימן אבידן בן גדעוני׃

העירה והקיצה למשפטי אלהי ואדני לריבי׃

עורה למה תישן אדני הקיצה אל תזנח לנצח׃

כי שחה לעפר נפשנו דבקה לארץ בטננו׃

והוא רחום יכפר עון ולא ישחית והרבה להשיב אפו ולא יעיר כל חמתו׃

יהוה כגבור יצא כאיש מלחמות יעיר קנאה יריע אף יצריח על איביו יתגבר׃

החשיתי מעולם אחריש אתאפק כיולדה אפעה אשם ואשאף יחד׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

כי יהוה שפטנו יהוה מחקקנו יהוה מלכנו הוא יושיענו׃