למנצח על הגתית לאסף הרנינו לאלהים עוזנו הריעו לאלהי יעקב׃

למנצח על הגתית לבני קרח מזמור מה ידידות משכנותיך יהוה צבאות׃

יהוה אדנינו מה אדיר שמך בכל הארץ׃

מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃

תהלה לדוד ארוממך אלוהי המלך ואברכה שמך לעולם ועד׃

יהוה אלהינו בעלונו אדנים זולתך לבד בך נזכיר שמך׃

ועתה אם דוד קרא לו אדון איך הוא בנו׃

ויען תומא ויאמר אליו אדני ואלהי׃

וכל לשון תודה כי אדון הוא ישוע המשיח לכבוד אלהים האב׃

וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃

יהי שמו לעולם לפני שמש ינין שמו ויתברכו בו כל גוים יאשרוהו׃

וברוך שם כבודו לעולם וימלא כבודו את כל הארץ אמן ואמן׃

יהי שם יהוה מברך מעתה ועד עולם׃

רם על כל גוים יהוה על השמים כבודו׃

יהללו את שם יהוה כי נשגב שמו לבדו הודו על ארץ ושמים׃

מי כמכה באלם יהוה מי כמכה נאדר בקדש נורא תהלת עשה פלא׃

וירד יהוה בענן ויתיצב עמו שם ויקרא בשם יהוה׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

אם לא תשמר לעשות את כל דברי התורה הזאת הכתובים בספר הזה ליראה את השם הנכבד והנורא הזה את יהוה אלהיך׃

חכו ממתקים וכלו מחמדים זה דודי וזה רעי בנות ירושלם׃

יהוה בהשמים חסדך אמונתך עד שחקים׃

כי גדל עד שמים חסדך ועד שחקים אמתך׃

רומה על שמים אלהים על כל הארץ כבודך׃

שירו לאלהים זמרו שמו סלו לרכב בערבות ביה שמו ועלזו לפניו׃

כי גדול מעל שמים חסדך ועד שחקים אמתך׃

רומה על שמים אלהים ועל כל הארץ כבודך׃

כי האמנם ישב אלהים על הארץ הנה השמים ושמי השמים לא יכלכלוך אף כי הבית הזה אשר בניתי׃

אלוה מתימן יבוא וקדוש מהר פארן סלה כסה שמים הודו ותהלתו מלאה הארץ׃

הירד הוא אשר גם עלה למעלה מכל השמים למען ימלא את הכל׃

על כן גם האלהים הגביהו מאד ויתן לו שם נעלה על כל שם׃

למען אשר בשם ישוע תכרע כל ברך אשר בשמים ובארץ ומתחת לארץ׃

כי נאוה לנו כהן כזה שהוא חסיד ותמים וטהור ונבדל מן החטאים ונשא מהשמים׃