כי כלינו באפך ובחמתך נבהלנו׃

כי כל ימינו פנו בעברתך כלינו שנינו כמו הגה׃

במדבר הזה יפלו פגריכם וכל פקדיכם לכל מספרכם מבן עשרים שנה ומעלה אשר הלינתם עלי׃

אני יהוה דברתי אם לא זאת אעשה לכל העדה הרעה הזאת הנועדים עלי במדבר הזה יתמו ושם ימתו׃

ובאלה לא היה איש מפקודי משה ואהרן הכהן אשר פקדו את בני ישראל במדבר סיני׃

כי אמר יהוה להם מות ימתו במדבר ולא נותר מהם איש כי אם כלב בן יפנה ויהושע בן נון׃

והימים אשר הלכנו מקדש ברנע עד אשר עברנו את נחל זרד שלשים ושמנה שנה עד תם כל הדור אנשי המלחמה מקרב המחנה כאשר נשבע יהוה להם׃

ויהי כאשר תמו כל אנשי המלחמה למות מקרב העם׃

אל האשה אמר הרבה ארבה עצבונך והרנך בעצב תלדי בנים ואל אישך תשוקתך והוא ימשל בך׃

וקוץ ודרדר תצמיח לך ואכלת את עשב השדה׃

כי לא יצא מעפר און ומאדמה לא יצמח עמל׃

כי אדם לעמל יולד ובני רשף יגביהו עוף׃

אדם ילוד אשה קצר ימים ושבע רגז׃

הבל הבלים אמר קהלת הבל הבלים הכל הבל׃

ונתתי את לבי לדרוש ולתור בחכמה על כל אשר נעשה תחת השמים הוא ענין רע נתן אלהים לבני האדם לענות בו׃

ראיתי את כל המעשים שנעשו תחת השמש והנה הכל הבל ורעות רוח׃

הבל הבלים אמר הקוהלת הכל הבל׃

סוף דבר הכל נשמע את האלהים ירא ואת מצותיו שמור כי זה כל האדם׃

כי את כל מעשה האלהים יבא במשפט על כל נעלם אם טוב ואם רע׃