אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

כן בקדש חזיתיך לראות עזך וכבודך׃

קדמו שרים אחר נגנים בתוך עלמות תופפות׃

עד אבוא אל מקדשי אל אבינה לאחריתם׃

כי מי בשחק יערך ליהוה ידמה ליהוה בבני אלים׃

יהוה אלהי צבאות מי כמוך חסין יה ואמונתך סביבותיך׃

מי כמכה באלם יהוה מי כמכה נאדר בקדש נורא תהלת עשה פלא׃

כי לא כצורנו צורם ואיבינו פלילים׃

ואל מי תדמיון אל ומה דמות תערכו לו׃

ואל מי תדמיוני ואשוה יאמר קדוש׃

למי תדמיוני ותשוו ותמשלוני ונדמה׃