Psaumes 31:22
ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃
Psaumes 73:22
ואני בער ולא אדע בהמות הייתי עמך׃
Psaumes 116:11
אני אמרתי בחפזי כל האדם כזב׃
Job 42:3
מי זה מעלים עצה בלי דעת לכן הגדתי ולא אבין נפלאות ממני ולא אדע׃
Lamentations 3:18-23
18
ואמר אבד נצחי ותוחלתי מיהוה׃
19
זכר עניי ומרודי לענה וראש׃
20
זכור תזכור ותשיח עלי נפשי׃
21
זאת אשיב אל לבי על כן אוחיל׃
22
חסדי יהוה כי לא תמנו כי לא כלו רחמיו׃
23
חדשים לבקרים רבה אמונתך׃
Marc 9:24
ויתן אבי הילד את קלו בבכי ויאמר אני מאמין עזר נא לחסרון אמונתי׃
Psaumes 77:5
חשבתי ימים מקדם שנות עולמים׃
Exode 15:6
ימינך יהוה נאדרי בכח ימינך יהוה תרעץ אויב׃
Nombres 23:21
לא הביט און ביעקב ולא ראה עמל בישראל יהוה אלהיו עמו ותרועת מלך בו׃
Nombres 23:22
אל מוציאם ממצרים כתועפת ראם לו׃
Deutéronome 4:34
או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשר עשה לכם יהוה אלהיכם במצרים לעיניך׃
Habaquq 3:2-13
2
יהוה שמעתי שמעך יראתי יהוה פעלך בקרב שנים חייהו בקרב שנים תודיע ברגז רחם תזכור׃
3
אלוה מתימן יבוא וקדוש מהר פארן סלה כסה שמים הודו ותהלתו מלאה הארץ׃
4
ונגה כאור תהיה קרנים מידו לו ושם חביון עזה׃
5
לפניו ילך דבר ויצא רשף לרגליו׃
6
עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לו׃
7
תחת און ראיתי אהלי כושן ירגזון יריעות ארץ מדין׃
8
הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישועה׃
9
עריה תעור קשתך שבעות מטות אמר סלה נהרות תבקע ארץ׃
10
ראוך יחילו הרים זרם מים עבר נתן תהום קולו רום ידיהו נשא׃
11
שמש ירח עמד זבלה לאור חציך יהלכו לנגה ברק חניתך׃
12
בזעם תצעד ארץ באף תדוש גוים׃
13
יצאת לישע עמך לישע את משיחך מחצת ראש מבית רשע ערות יסוד עד צואר סלה׃