קומה יהוה אל יעז אנוש ישפטו גוים על פניך׃

שיתה יהוה מורה להם ידעו גוים אנוש המה סלה׃

עזרנו אלהי ישענו על דבר כבוד שמך והצילנו וכפר על חטאתינו למען שמך׃

למה יאמרו הגוים איה אלהיהם יודע בגיים לעינינו נקמת דם עבדיך השפוך׃

זכר זאת אויב חרף יהוה ועם נבל נאצו שמך׃

אמרתי להוללים אל תהלו ולרשעים אל תרימו קרן׃

אל תרימו למרום קרנכם תדברו בצואר עתק׃

זכר אדני חרפת עבדיך שאתי בחיקי כל רבים עמים׃

אשר חרפו אויביך יהוה אשר חרפו עקבות משיחך׃

ועתה מה לי פה נאם יהוה כי לקח עמי חנם משלו יהילילו נאם יהוה ותמיד כל היום שמי מנאץ׃