תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

והם עמך ונחלתך אשר הוצאת בכחך הגדל ובזרעך הנטויה׃

לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו׃

אשרי הגוי אשר יהוה אלהיו העם בחר לנחלה לו׃

ויחר אף יהוה בעמו ויתעב את נחלתו׃

כי יעקב בחר לו יה ישראל לסגלתו׃

ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃

כי חלק יהוה עמו יעקב חבל נחלתו׃

לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה׃

וקראו להם עם הקדש גאולי יהוה ולך יקרא דרושה עיר לא נעזבה׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

שיר מזמור לבני קרח גדול יהוה ומהלל מאד בעיר אלהינו הר קדשו׃

יפה נוף משוש כל הארץ הר ציון ירכתי צפון קרית מלך רב׃

ויבחר את שבט יהודה את הר ציון אשר אהב׃

ויבן כמו רמים מקדשו כארץ יסדה לעולם׃

כי בחר יהוה בציון אוה למושב לו׃

זאת מנוחתי עדי עד פה אשב כי אותיה׃