ישמח הר ציון תגלנה בנות יהודה למען משפטיך׃

ישמח צדיק כי חזה נקם פעמיו ירחץ בדם הרשע׃

ויאמר אדם אך פרי לצדיק אך יש אלהים שפטים בארץ׃

ויאמרו מודים אנחנו לך יהוה אלהים צבאות ההוה והיה ויבוא כי לבשת עזך הגדול ותמלך׃

והגוים קצפו ויבא קצפך ועת המתים להשפט ולתת שכר לעבדיך הנביאים ולקדשים וליראי שמך למקטנם ועד גדולם ולהשחית את משחיתי הארץ׃

ואשמע את מלאך המים אמר צדיק אתה ההוה והיה והקדוש כי כן שפטת׃

ואשמע את המזבח אמר אמנם כן יהוה אלהים צבאות אמת וצדק משפטיך׃

רנו עליה השמים והשליחים הקדשים והנביאים כי שפט אלהים את משפטכם ממנה׃

כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃

מקלות מים רבים אדירים משברי ים אדיר במרום יהוה׃

מי כיהוה אלהינו המגביהי לשבת׃

המשפילי לראות בשמים ובארץ׃

כי רם יהוה ושפל יראה וגבה ממרחק יידע׃

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃