קומה יהוה הושיעני אלהי כי הכית את כל איבי לחי שני רשעים שברת׃

משד עניים מאנקת אביונים עתה אקום יאמר יהוה אשית בישע יפיח לו׃

לדוד ריבה יהוה את יריבי לחם את לחמי׃

העירה והקיצה למשפטי אלהי ואדני לריבי׃

קומה עזרתה לנו ופדנו למען חסדך׃

למנצח לדוד מזמור שיר יקום אלהים יפוצו אויביו וינוסו משנאיו מפניו׃

כהנדף עשן תנדף כהמס דונג מפני אש יאבדו רשעים מפני אלהים׃

נצב לריב יהוה ועמד לדין עמים׃

הרימה פעמיך למשאות נצח כל הרע אויב בקדש׃

אל נקמות יהוה אל נקמות הופיע׃

הנשא שפט הארץ השב גמול על גאים׃

עתה אקום יאמר יהוה עתה ארומם עתה אנשא׃

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך׃

עורה למה תישן אדני הקיצה אל תזנח לנצח׃

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

כחלום מהקיץ אדני בעיר צלמם תבזה׃

ויקץ כישן אדני כגבור מתרונן מיין׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

משמים השמעת דין ארץ יראה ושקטה׃

בקום למשפט אלהים להושיע כל ענוי ארץ סלה׃

עשה צדקות יהוה ומשפטים לכל עשוקים׃

ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃