למנצח לדוד מזמור קוה קויתי יהוה ויט אלי וישמע שועתי׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃

ויצא עבד מלך מבית המלך וידבר אל המלך לאמר׃

ויצוה המלך את עבד מלך הכושי לאמר קח בידך מזה שלשים אנשים והעלית את ירמיהו הנביא מן הבור בטרם ימות׃

ויאמר עבד מלך הכושי אל ירמיהו שים נא בלואי הסחבות והמלחים תחת אצלות ידיך מתחת לחבלים ויעש ירמיהו כן׃

קראתי שמך יהוה מבור תחתיות׃

ראה עניי ועמלי ושא לכל חטאותי׃

ראה אויבי כי רבו ושנאת חמס שנאוני׃

אל ישמחו לי איבי שקר שנאי חנם יקרצו עין׃

ודברי שנאה סבבוני וילחמוני חנם׃

ואתה יהוה אדני עשה אתי למען שמך כי טוב חסדך הצילני׃

ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו׃

אבל את איבי ההם אשר לא חפצו מלכי עליהם הביאו אתם הנה והרגו אתם לפני׃

אלהי אבותינו הקים את ישוע אשר שלחתם ידכם בו ותתלו אותו על העץ׃

את זה נשא האלהים בימינו לשר ולמושיע לתת תשובה לישראל וסליחת החטאים׃

למנצח על שושנים לדוד הושיעני אלהים כי באו מים עד נפש׃

טבעתי ביון מצולה ואין מעמד באתי במעמקי מים ושבלת שטפתני׃

אל תשטפני שבלת מים ואל תבלעני מצולה ואל תאטר עלי באר פיה׃

תהום אל תהום קורא לקול צנוריך כל משבריך וגליך עלי עברו׃

אזי המים שטפונו נחלה עבר על נפשנו׃

אזי עבר על נפשנו המים הזידונים׃

שלח ידיך ממרום פצני והצילני ממים רבים מיד בני נכר׃

ויאמר אליהם נפשי מרה לי עד מות עמדו פה ושקדו׃

ויאמר אבא אבי הכל תוכל העבר נא מעלי את הכוס הזאת אך לא את אשר אני רוצה כי אם את אשר אתה׃

שקדו והתפללו פן תבאו לידי נסיון הן הרוח היא חפצה והבשר רפה׃

וישב וימצאם שנית ישנים כי עיניהם היו כבדות ולא ידעו מה יענהו׃

קומו ונלכה הנה המוסר אותי קרב׃

ובשעה התשיעית ויצעק ישוע בקול גדול אלהי אלהי למה שבקתני אשר פרושו אלי אלי למה עזבתני׃