היטיבה ברצונך את ציון תבנה חומות ירושלם׃

אז תחפץ זבחי צדק עולה וכליל אז יעלו על מזבחך פרים׃

באו שעריו בתודה חצרתיו בתהלה הודו לו ברכו שמו׃

פתחו לי שערי צדק אבא בם אודה יה׃

אל יהוה ויאר לנו אסרו חג בעבתים עד קרנות המזבח׃

והיה המקום אשר יבחר יהוה אלהיכם בו לשכן שמו שם שמה תביאו את כל אשר אנכי מצוה אתכם עולתיכם וזבחיכם מעשרתיכם ותרמת ידכם וכל מבחר נדריכם אשר תדרו ליהוה׃

ושמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכם׃

לכן נקריב על ידו בכל עת זבח תודה לאלהים היא פרי שפתים המודות לשמו׃

מאתך תהלתי בקהל רב נדרי אשלם נגד יראיו׃

עלי אלהים נדריך אשלם תודת לך׃

נדרי ליהוה אשלם נגדה נא לכל עמו׃

לך אזבח זבח תודה ובשם יהוה אקרא׃

בחצרות בית יהוה בתוככי ירושלם הללו יה׃

כאשר תדר נדר לאלהים אל תאחר לשלמו כי אין חפץ בכסילים את אשר תדר שלם׃

ואני בקול תודה אזבחה לך אשר נדרתי אשלמה ישועתה ליהוה׃

הנה על ההרים רגלי מבשר משמיע שלום חגי יהודה חגיך שלמי נדריך כי לא יוסיף עוד לעבור בך בליעל כלה נכרת׃