אך הוא צורי וישועתי משגבי לא אמוט רבה׃

אך לאלהים דומי נפשי כי ממנו תקותי׃

אך הוא צורי וישועתי משגבי לא אמוט׃

הדריכני באמתך ולמדני כי אתה אלהי ישעי אותך קויתי כל היום׃

קוה אל יהוה חזק ויאמץ לבך וקוה אל יהוה׃

נפשנו חכתה ליהוה עזרנו ומגננו הוא׃

למנצח לדוד מזמור קוה קויתי יהוה ויט אלי וישמע שועתי׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

טוב יהוה לקוו לנפש תדרשנו׃

מפי עליון לא תצא הרעות והטוב׃

לכן אחי דמו והוחילו עד בוא האדון הנה האכר מחכה לטוב תבואת האדמה בהוחילו כי ירד עליה גשם יורה ומלקוש׃

דום ליהוה והתחולל לו אל תתחר במצליח דרכו באיש עשה מזמות׃

למנצח מזמור לדוד שיר לך דמיה תהלה אלהים בציון ולך ישלם נדר׃

ותשועת צדיקים מיהוה מעוזם בעת צרה׃

ברוך אדני יום יום יעמס לנו האל ישועתנו סלה׃

האל לנו אל למושעות וליהוה אדני למות תוצאות׃

עזרי מעם יהוה עשה שמים וארץ׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

אכן לשקר מגבעות המון הרים אכן ביהוה אלהינו תשועת ישראל׃

כי ראו עיני את ישועתך׃

אור לגלות עיני הגוים ותפארת ישראל עמך׃