באלהים נעשה חיל והוא יבוס צרינו׃

גל אל יהוה יפלטהו יצילהו כי חפץ בו׃

למען יחלצון ידידיך הושיעה ימינך וענני׃

לי גלעד לי מנשה ואפרים מעוז ראשי יהודה מחקקי׃

מי יבלני עיר מבצר מי נחני עד אדום׃

הבה לנו עזרת מצר ושוא תשועת אדם׃

לא מרבכם מכל העמים חשק יהוה בכם ויבחר בכם כי אתם המעט מכל העמים׃

כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃

אף חבב עמים כל קדשיו בידך והם תכו לרגלך ישא מדברתיך׃

והנה קול מן השמים אומר זה בני ידידי אשר רצתה נפשי בו׃

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

הפלה חסדיך מושיע חוסים ממתקוממים בימינך׃

ותתן לי מגן ישעך וימינך תסעדני וענותך תרבני׃

עתה ידעתי כי הושיע יהוה משיחו יענהו משמי קדשו בגברות ישע ימינו׃

למה תשיב ידך וימינך מקרב חוקך כלה׃

ימינך יהוה נאדרי בכח ימינך יהוה תרעץ אויב׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃