פדה אלהים את ישראל מכל צרותיו׃

והוא יפדה את ישראל מכל עונתיו׃

הבה לנו עזרת מצר ושוא תשועת אדם׃

שיר המעלות לדוד לולי יהוה שהיה לנו יאמר נא ישראל׃

אזי חיים בלעונו בחרות אפם בנו׃

אל תבטחו בנדיבים בבן אדם שאין לו תשועה׃

ומצרים הבל וריק יעזרו לכן קראתי לזאת רהב הם שבת׃

ומצרים אדם ולא אל וסוסיהם בשר ולא רוח ויהוה יטה ידו וכשל עוזר ונפל עזר ויחדו כלם יכליון׃

למנצח על ידותון מזמור לדוד אך אל אלהים דומיה נפשי ממנו ישועתי׃