אלהים צבאות שוב נא הבט משמים וראה ופקד גפן זאת׃

שובה יהוה עד מתי והנחם על עבדיך׃

למימי אבתיכם סרתם מחקי ולא שמרתם שובו אלי ואשובה אליכם אמר יהוה צבאות ואמרתם במה נשוב׃

קומה יהוה קדמה פניו הכריעהו פלטה נפשי מרשע חרבך׃

הצילה מחרב נפשי מיד כלב יחידתי׃

כי חסדך גדול עלי והצלת נפשי משאול תחתיה׃

ובשם יהוה אקרא אנה יהוה מלטה נפשי׃

כי חלצת נפשי ממות את עיני מן דמעה את רגלי מדחי׃

יהוה הצילה נפשי משפת שקר מלשון רמיה׃

יהוה ישמרך מכל רע ישמר את נפשך׃

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

חטאות נעורי ופשעי אל תזכר כחסדך זכר לי אתה למען טובך יהוה׃

ואני תפלתי לך יהוה עת רצון אלהים ברב חסדך ענני באמת ישעך׃

אל תזכר לנו עונת ראשנים מהר יקדמונו רחמיך כי דלונו מאד׃

עזרנו אלהי ישענו על דבר כבוד שמך והצילנו וכפר על חטאתינו למען שמך׃

הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃

לתהלת כבוד חסדו אשר נתן אתנו בידידו׃

להראות בדרות הבאים את גדלת עשר חסדו בטובתו עלינו במשיח ישוע׃

כי בחסד נושעתם על ידי האמונה ולא מידכם היתה זאת כי מתת אלהים היא׃