עזי אליך אזמרה כי אלהים משגבי אלהי חסדי׃

ברוך האלהים ואבי אדנינו ישוע המשיח אב הרחמים ואלהי כל הנחמה׃

אבל האלהים המלא רחמים ברב אהבתו אשר אהב אתנו׃

אחרי היותנו מתים בפשעים החינו עם המשיח בחסד נושעתם׃

ואלהי כל החסד אשר קראנו לכבודו הנצחי במשיח ישוע אחרי ענותכם מעט הוא ישלים ויחזק ויגבר וייסד אתכם׃

כי תקדמנו ברכות טוב תשית לראשו עטרת פז׃

אל תזכר לנו עונת ראשנים מהר יקדמונו רחמיך כי דלונו מאד׃

והיה טרם יקראו ואני אענה עוד הם מדברים ואני אשמע׃

כי את זאת נאמר לכם בדבר יהוה כי אנחנו החיים הנותרים עד בא האדון לא נקדם את הישנים׃

כי מכל צרה הצילני ובאיבי ראתה עיני׃

רק בעיניך תביט ושלמת רשעים תראה׃

ותבט עיני בשורי בקמים עלי מרעים תשמענה אזני׃

סמוך לבו לא יירא עד אשר יראה בצריו׃

ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספה׃

ויחזק דוד בבגדו ויקרעם וגם כל האנשים אשר אתו׃

ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב׃

ויקנן דוד את הקינה הזאת על שאול ועל יהונתן בנו׃

ואני לא אצתי מרעה אחריך ויום אנוש לא התאויתי אתה ידעת מוצא שפתי נכח פניך היה׃

ויהי כאשר קרב וירא את העיר ויבך עליה לאמר׃

כי ימים באים עליך ושפכו איביך סוללה סביביך והקיפוך וצרו עליך מכל עבריך׃

כי מעיד אני עליהם שיש להם קנאה לאלהים אך לא בדעת׃

כי את צדקת אלהים לא ידעו ויבקשו להקים את צדקתם ובעבור זאת לצדקת אלהים לא נכנעו׃

יהוה נחני בצדקתך למען שוררי הושר לפני דרכך׃

ישוב הרע לשררי באמתך הצמיתם׃

שאפו שוררי כל היום כי רבים לחמים לי מרום׃

יגורו יצפינו המה עקבי ישמרו כאשר קוו נפשי׃