בור כרה ויחפרהו ויפל בשחת יפעל׃

ישוב עמלו בראשו ועל קדקדו חמסו ירד׃

בטרם יבינו סירתיכם אטד כמו חי כמו חרון ישערנו׃

חטאת פימו דבר שפתימו וילכדו בגאונם ומאלה ומכחש יספרו׃

כלה בחמה כלה ואינמו וידעו כי אלהים משל ביעקב לאפסי הארץ סלה׃

שאול ואבדון נגד יהוה אף כי לבות בני אדם׃

שאול ואבדה לא תשבענה ועיני האדם לא תשבענה׃

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי׃

תאבד דברי כזב איש דמים ומרמה יתעב יהוה׃

וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃

ויאמר יואב לעמשא השלום אתה אחי ותחז יד ימין יואב בזקן עמשא לנשק לו׃

ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו וימת ויואב ואבישי אחיו רדף אחרי שבע בן בכרי׃

וגם אתה ידעת את אשר עשה לי יואב בן צרויה אשר עשה לשני שרי צבאות ישראל לאבנר בן נר ולעמשא בן יתר ויהרגם וישם דמי מלחמה בשלם ויתן דמי מלחמה בחגרתו אשר במתניו ובנעלו אשר ברגליו׃

ועשית כחכמתך ולא תורד שיבתו בשלם שאל׃

וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃

ויאמר יואב לעמשא השלום אתה אחי ותחז יד ימין יואב בזקן עמשא לנשק לו׃

ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו וימת ויואב ואבישי אחיו רדף אחרי שבע בן בכרי׃

וגם אתה ידעת את אשר עשה לי יואב בן צרויה אשר עשה לשני שרי צבאות ישראל לאבנר בן נר ולעמשא בן יתר ויהרגם וישם דמי מלחמה בשלם ויתן דמי מלחמה בחגרתו אשר במתניו ובנעלו אשר ברגליו׃

ועשית כחכמתך ולא תורד שיבתו בשלם שאל׃

בלא יומו תמלא וכפתו לא רעננה׃

יראת יהוה תוסיף ימים ושנות רשעים תקצרנה׃

אל תרשע הרבה ואל תהי סכל למה תמות בלא עתך׃

חטאתי כי דם נקי הסגרתי והם אמרו מה לנו ולזאת אתה תראה׃

וישלך את הכסף אל ההיכל ויפן וילך ויחנק׃