תהלה לדוד ארוממך אלוהי המלך ואברכה שמך לעולם ועד׃

בכל יום אברכך ואהללה שמך לעולם ועד׃

אהללה יהוה בחיי אזמרה לאלהי בעודי׃

ולו אשר יכל להרבות גמוליו עלינו יותר מכל משאלותינו ומחשבותינו לפי הכח הפעל בקרבנו׃

לו הכבוד בקרב הקהל במשיח ישוע לדר ודר עד עולמי עולמים אמן׃

קוה אל יהוה חזק ויאמץ לבך וקוה אל יהוה׃

למנצח לדוד מזמור קוה קויתי יהוה ויט אלי וישמע שועתי׃

דמינו אלהים חסדך בקרב היכלך׃

כשמך אלהים כן תהלתך על קצוי ארץ צדק מלאה ימינך׃

למנצח על ידותון מזמור לדוד אך אל אלהים דומיה נפשי ממנו ישועתי׃

אך לאלהים דומי נפשי כי ממנו תקותי׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

חננו יהוה חננו כי רב שבענו בוז׃

קויתי יהוה קותה נפשי ולדברו הוחלתי׃

נפשי לאדני משמרים לבקר שמרים לבקר׃

מגדל עז שם יהוה בו ירוץ צדיק ונשגב׃

טוב יהוה לקוו לנפש תדרשנו׃

טוב ויחיל ודומם לתשועת יהוה׃

בנדבה אזבחה לך אודה שמך יהוה כי טוב׃

מי לי בשמים ועמך לא חפצתי בארץ׃

כלה שארי ולבבי צור לבבי וחלקי אלהים לעולם׃

ואני קרבת אלהים לי טוב שתי באדני יהוה מחסי לספר כל מלאכותיך׃