ביום צרתי אדני דרשתי ידי לילה נגרה ולא תפוג מאנה הנחם נפשי׃

יקראני ואענהו עמו אנכי בצרה אחלצהו ואכבדהו׃

ויצעקו אל יהוה בצר להם ממצוקותיהם יצילם׃

יודו ליהוה חסדו ונפלאותיו לבני אדם׃

ישבי חשך וצלמות אסירי עני וברזל׃

ויכנע בעמל לבם כשלו ואין עזר׃

וכהצר לו חלה את פני יהוה אלהיו ויכנע מאד מלפני אלהי אבתיו׃

ויתפלל אליו ויעתר לו וישמע תחנתו וישיבהו ירושלם למלכותו וידע מנשה כי יהוה הוא האלהים׃

תעתיר אליו וישמעך ונדריך תשלם׃

והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו אמרתי עמי הוא והוא יאמר יהוה אלהי׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

כי יצר לאיש בכם הוא יתפלל ואשר ייטב לבו הוא יזמר׃

גדלו ליהוה אתי ונרוממה שמו יחדו׃

דרשתי את יהוה וענני ומכל מגורותי הצילני׃

אבוא ביתך בעולות אשלם לך נדרי׃

עלות מחים אעלה לך עם קטרת אילים אעשה בקר עם עתודים סלה׃

אליו פי קראתי ורומם תחת לשוני׃

אכן שמע אלהים הקשיב בקול תפלתי׃

ואחד מהם בראתו כי נרפא וישב וישבח את האלהים בקול גדול׃

ויען ישוע ויאמר הלא העשרה טהרו והתשעה איה הם׃

זבח תודה יכבדנני ושם דרך אראנו בישע אלהים׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

בזאת נכבד אבי בעשותכם פרי לרב והייתם לי לתלמידים׃

איש כי ידבר יהי כאמרי אל ואיש כי יעזר תהי עזרתו מתוך החיל אשר חננו אלהים למען יכבד אלהים בכל על ידי ישוע המשיח אשר לו הכבוד והעז לעולמי עולמים אמן׃

אם יחרפו אתכם למען שם המשיח אשריכם כי נחה עליכם רוח הכבוד רוח אלהים אצלם מנאץ הוא ואצלכם נכבד׃