תתננו כצאן מאכל ובגוים זריתנו׃

ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃

ככתוב כי עליך הרגנו כל היום נחשבנו כצאן טבחה׃

אם אקוה שאול ביתי בחשך רפדתי יצועי׃

לשחת קראתי אבי אתה אמי ואחתי לרמה׃

יבלו בטוב ימיהם וברגע שאול יחתו׃

יחד על עפר ישכבו ורמה תכסה עליהם׃

כי ידעתי מות תשיבני ובית מועד לכל חי׃

וישב העפר על הארץ כשהיה והרוח תשוב אל האלהים אשר נתנה׃

אני אמרתי בדמי ימי אלכה בשערי שאול פקדתי יתר שנותי׃

אמרתי לא אראה יה יה בארץ החיים לא אביט אדם עוד עם יושבי חדל׃

ציה גם חם יגזלו מימי שלג שאול חטאו׃

ישכחהו רחם מתקו רמה עוד לא יזכר ותשבר כעץ עולה׃

ידבר עמים תחתינו ולאמים תחת רגלינו׃

עד די אתה עתיק יומיא ודינא יהב לקדישי עליונין וזמנא מטה ומלכותא החסנו קדישין׃

ועסותם רשעים כי יהיו אפר תחת כפות רגליכם ביום אשר אני עשה אמר יהוה צבאות׃

למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃

הלא ידעתם כי הקדשים ידינו את העולם ואם העולם ידון על ידכם האינכם ראוים לדין דינים קטנים׃

והמנצח ושמר את מעשי עד עת קץ אתן לו שלטן על הגוים׃

ורעם בשבט ברזל ככלי יוצר ינפצו כאשר קבלתי גם אנכי מאת אבי׃

וארא כסאות וישבו עליהם והמשפט נתן בידם ונפשות ההרוגים על עדות ישוע ועל דבר האלהים ואשר לא השתחוו לחיה ולצלמה ולא קבלו את תוה על מצחותם ועל ידם ויקומו ויחיו וימלכו עם המשיח אלף שנים׃

ושאר המתים לא קמו לחיים עד כלות אלף השנים זאת היא התחיה הראשונה׃

כי רגע באפו חיים ברצונו בערב ילין בכי ולבקר רנה׃

ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃

בתוכחות על עון יסרת איש ותמס כעש חמודו אך הבל כל אדם סלה׃

הלא נסע יתרם בם ימותו ולא בחכמה׃

כי ידעתי מות תשיבני ובית מועד לכל חי׃