אדם ביקר ולא יבין נמשל כבהמות נדמו׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

אכן כאדם תמותון וכאחד השרים תפלו׃

והעשיר יתהלל בשפלותו כי יעבר כציץ החציר׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

כי כל בשר חציר וכל כבוד איש כציץ השדה יבש חציר נבל ציץ׃

אמרתי אני בלבי על דברת בני האדם לברם האלהים ולראות שהם בהמה המה להם׃

הכל הולך אל מקום אחד הכל היה מן העפר והכל שב אל העפר׃

כי גם לא ידע האדם את עתו כדגים שנאחזים במצודה רעה וכצפרים האחזות בפח כהם יוקשים בני האדם לעת רעה כשתפול עליהם פתאם׃