אפפוני חבלי מות ונחלי בליעל יבעתוני׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

ואמר עד פה תבוא ולא תסיף ופא ישית בגאון גליך׃

ועתה יושב ירושלם ואיש יהודה שפטו נא ביני ובין כרמי׃

הוי המון עמים רבים כהמות ימים יהמיון ושאון לאמים כשאון מים כבירים ישאון׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

ויאמר אלי המים ההם אשר ראית אשר הזונה ישבת עליהם עמים והמנים המה וגוים ולשנות׃

ההרים רקדו כאילים גבעות כבני צאן׃

ההרים תרקדו כאילים גבעות כבני צאן׃

יהוה בצאתך משעיר בצעדך משדה אדום ארץ רעשה גם שמים נטפו גם עבים נטפו מים׃

הרים נזלו מפני יהוה זה סיני מפני יהוה אלהי ישראל׃

ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשבר סלעים לפני יהוה לא ברוח יהוה ואחר הרוח רעש לא ברעש יהוה׃

המעתיק הרים ולא ידעו אשר הפכם באפו׃

המרגיז ארץ ממקומה ועמודיה יתפלצון׃

ראיתי ההרים והנה רעשים וכל הגבעות התקלקלו׃

ונמסו ההרים תחתיו והעמקים יתבקעו כדונג מפני האש כמים מגרים במורד׃

הרים רעשו ממנו והגבעות התמגגו ותשא הארץ מפניו ותבל וכל ישבי בה׃

וינס כל אי וההרים לא נמצאו׃