Psaumes 18:2
יהוה סלעי ומצודתי ומפלטי אלי צורי אחסה בו מגני וקרן ישעי משגבי׃
Psaumes 28:1
לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃
Psaumes 62:2
אך הוא צורי וישועתי משגבי לא אמוט רבה׃
Psaumes 62:6
אך הוא צורי וישועתי משגבי לא אמוט׃
Psaumes 62:7
על אלהים ישעי וכבודי צור עזי מחסי באלהים׃
Psaumes 78:35
ויזכרו כי אלהים צורם ואל עליון גאלם׃
Psaumes 13:1
למנצח מזמור לדוד עד אנה יהוה תשכחני נצח עד אנה תסתיר את פניך ממני׃
Psaumes 22:1
למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃
Psaumes 22:2
אלהי אקרא יומם ולא תענה ולילה ולא דומיה לי׃
Psaumes 44:23
עורה למה תישן אדני הקיצה אל תזנח לנצח׃
Psaumes 44:24
למה פניך תסתיר תשכח ענינו ולחצנו׃
Psaumes 77:9
השכח חנות אל אם קפץ באף רחמיו סלה׃
Esaïe 40:27
למה תאמר יעקב ותדבר ישראל נסתרה דרכי מיהוה ומאלהי משפטי יעבור׃
Esaïe 49:15
התשכח אשה עולה מרחם בן בטנה גם אלה תשכחנה ואנכי לא אשכחך׃
Psaumes 38:6
נעויתי שחתי עד מאד כל היום קדר הלכתי׃
Psaumes 43:2
כי אתה אלהי מעוזי למה זנחתני למה קדר אתהלך בלחץ אויב׃
Psaumes 88:9
עיני דאבה מני עני קראתיך יהוה בכל יום שטחתי אליך כפי׃
Job 30:26-31
26
כי טוב קויתי ויבא רע ואיחלה לאור ויבא אפל׃
27
מעי רתחו ולא דמו קדמני ימי עני׃
28
קדר הלכתי בלא חמה קמתי בקהל אשוע׃
29
אח הייתי לתנים ורע לבנות יענה׃
30
עורי שחר מעלי ועצמי חרה מני חרב׃
31
ויהי לאבל כנרי ועגבי לקול בכים׃
Psaumes 55:3
מקול אויב מפני עקת רשע כי ימיטו עלי און ובאף ישטמוני׃
Ecclesiaste 4:1
ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃
Lamentations 5:1-16
1
זכר יהוה מה היה לנו הביט וראה את חרפתנו׃
2
נחלתנו נהפכה לזרים בתינו לנכרים׃
3
יתומים היינו אין אב אמתינו כאלמנות׃
4
מימינו בכסף שתינו עצינו במחיר יבאו׃
5
על צוארנו נרדפנו יגענו לא הונח לנו׃
6
מצרים נתנו יד אשור לשבע לחם׃
7
אבתינו חטאו אינם אנחנו עונתיהם סבלנו׃
8
עבדים משלו בנו פרק אין מידם׃
9
בנפשנו נביא לחמנו מפני חרב המדבר׃
10
עורנו כתנור נכמרו מפני זלעפות רעב׃
11
נשים בציון ענו בתלת בערי יהודה׃
12
שרים בידם נתלו פני זקנים לא נהדרו׃
13
בחורים טחון נשאו ונערים בעץ כשלו׃
14
זקנים משער שבתו בחורים מנגינתם׃
15
שבת משוש לבנו נהפך לאבל מחלנו׃
16
נפלה עטרת ראשנו אוי נא לנו כי חטאנו׃