איש תהפכות ישלח מדון ונרגן מפריד אלוף׃

באפס עצים תכבה אש ובאין נרגן ישתק מדון׃

וירב בקרבם כל חמס זנות ורשע בצע ואון וימלאו קנאה ורצח ומריבה ומרמה ותהפכות׃

כי ירא אנכי פן בבאי לא אמצא אתכם כאשר חפצתי ואתם גם אתם לא תמצאו אתי כאשר חפצתם פן יהיה בכם מצה וקנאה ורגז ומריבות ודבה רעה ורכילות וגאות ומבוכה׃

כי שמעתי דבת רבים מגור מסביב בהוסדם יחד עלי לקחת נפשי זממו׃

כל היום דברי יעצבו עלי כל מחשבתם לרע׃

יגורו יצפינו המה עקבי ישמרו כאשר קוו נפשי׃

וילכו הפרושים ויתיעצו איך יכשילהו בדבר׃

ויקהלו הכהנים הגדולים והסופרים וזקני העם אל חצר הכהן הגדול הנקרא קיפא׃

ויועצו יחדו לתפש את ישוע בערמה ולהמיתו׃