לעשה נפלאות גדלות לבדו כי לעולם חסדו׃

וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף׃

מי כמכה באלם יהוה מי כמכה נאדר בקדש נורא תהלת עשה פלא׃

עשה גדלות ואין חקר נפלאות עד אין מספר׃

עשה גדלות עד אין חקר ונפלאות עד אין מספר׃

הן אלה קצות דרכו ומה שמץ דבר נשמע בו ורעם גבורתו מי יתבונן׃

פי יספר צדקתך כל היום תשועתך כי לא ידעתי ספרות׃

מה גדלו מעשיך יהוה מאד עמקו מחשבתיך׃

פלאיה דעת ממני נשגבה לא אוכל לה׃

ולי מה יקרו רעיך אל מה עצמו ראשיהם׃

אספרם מחול ירבון הקיצתי ועודי עמך׃

כי לא מחשבותי מחשבותיכם ולא דרכיכם דרכי נאם יהוה׃

כי גבהו שמים מארץ כן גבהו דרכי מדרכיכם ומחשבתי ממחשבתיכם׃

כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה׃

הודיענו מה נאמר לו לא נערך מפני חשך׃

היספר לו כי אדבר אם אמר איש כי יבלע׃