ישלח ממרום יקחני ימשני ממים רבים׃

יצילני מאיבי עז ומשנאי כי אמצו ממני׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

כי חסדך גדול עלי והצלת נפשי משאול תחתיה׃

אפפוני חבלי מות ומצרי שאול מצאוני צרה ויגון אמצא׃

הקשיבה אל רנתי כי דלותי מאד הצילני מרדפי כי אמצו ממני׃

הוציאה ממסגר נפשי להודות את שמך בי יכתרו צדיקים כי תגמל עלי׃

כי רדף אויב נפשי דכא לארץ חיתי הושיבני במחשכים כמתי עולם׃

ואספו אספה אסיר על בור וסגרו על מסגר ומרב ימים יפקדו׃

אפפוני מים עד נפש תהום יסבבני סוף חבוש לראשי׃

לקצבי הרים ירדתי הארץ ברחיה בעדי לעולם ותעל משחת חיי יהוה אלהי׃

גם את בדם בריתך שלחתי אסיריך מבור אין מים בו׃

והאלהים הקימו מן המתים בהתיר את חבלי המות באשר נמנע מן המות לעצר אתו׃

כי לא תעזב נפשי לשאול לא תתן חסידך לראות שחת׃

אנשים אחים הניחו לי ואדברה באזני כלכם על דוד אבינו אשר גם מת גם נקבר וקבורתו אתנו היא עד היום הזה׃

לכן בחזותו מראש דבר על תקומת המשיח כי לא נעזבה נפשו לשאול וגם בשרו לא ראה שחת׃

והשליכום אל תנור האש שם תהיה היללה וחרק השנים׃

טבעתי ביון מצולה ואין מעמד באתי במעמקי מים ושבלת שטפתני׃

הצילני מטיט ואל אטבעה אנצלה משנאי וממעמקי מים׃

אל תשטפני שבלת מים ואל תבלעני מצולה ואל תאטר עלי באר פיה׃

ויקחו את ירמיהו וישלכו אתו אל הבור מלכיהו בן המלך אשר בחצר המטרה וישלחו את ירמיהו בחבלים ובבור אין מים כי אם טיט ויטבע ירמיהו בטיט׃

ויצא עבד מלך מבית המלך וידבר אל המלך לאמר׃

ויצוה המלך את עבד מלך הכושי לאמר קח בידך מזה שלשים אנשים והעלית את ירמיהו הנביא מן הבור בטרם ימות׃

ויאמר עבד מלך הכושי אל ירמיהו שים נא בלואי הסחבות והמלחים תחת אצלות ידיך מתחת לחבלים ויעש ירמיהו כן׃

צמתו בבור חיי וידו אבן בי׃

קראתי שמך יהוה מבור תחתיות׃

כי יצפנני בסכה ביום רעה יסתרני בסתר אהלו בצור ירוממני׃

מקצה הארץ אליך אקרא בעטף לבי בצור ירום ממני תנחני׃

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

תמך אשרי במעגלותיך בל נמוטו פעמי׃

תרחיב צעדי תחתי ולא מעדו קרסלי׃

מיהוה מצעדי גבר כוננו ודרכו יחפץ׃

פעמי הכן באמרתך ואל תשלט בי כל און׃