ואני כחרש לא אשמע וכאלם לא יפתח פיו׃

ואהי כאיש אשר לא שמע ואין בפיו תוכחות׃

נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

וידברו עליו שטנה הכהנים הגדולים והזקנים והוא לא ענה דבר׃

ולא ענהו אף דבר אחד ויתמה ההגמון עד מאד׃

אל תתנו את הקדש לכלבים ואל תשליכו פניניכם לפני החזירים פן ירמסום ברגליהם ופנו וטרפו אתכם׃

הנה בטני כיין לא יפתח כאבות חדשים יבקע׃

אדברה וירוח לי אפתח שפתי ואענה׃

כי לא נוכל אנחנו לחדל מדבר את אשר ראינו ושמענו׃